حکومت کا دیامر بھاشاڈیم کی تعمیر کا اعلان! بڑی خوشخبری

حکومت کی جانب سے دیامر بھاشا ڈیم کی تعمیر کا اعلان کردیا گیا ہےاور اس منصوبے سے ساڑھے 16 ہزار نوکریاں پیدا ہوں گی۔چیئرمین سی پیک اتھارٹی و معاون خصوصی اطلاعات لیفٹیننٹ جنرل (ر) عاصم سلیم باجوہ نے اپنے ایک ٹویٹ میں دیامر بھاشاڈیم کی تعمیر شروع کرنے کا اعلان کیا اور انہوں نے کہا کہ یہ پاکستان کی تمام نسلوں کیلئے بہت بڑی خبر ہے، یہ ہماری معیشت کیلئے بھی محرک ثابت ہوگا (انشالله)دیامر بھاشا ڈیم کی تعمیر سے ساڑھے 4 ہزار ہائیڈل پاور ملے گی اور یہ 12 لاکھ ایکڑ کو سیراب کرے گا۔ اس منصوبے کی بدولت تربیلا ڈیم کی عمر میں 35 سال کا اضافہ ہوجائے گا۔